CHIDDRU CHI MI MANCA
Sapiti chiddru chi nni manca a tanti
nèsciri senza màscari e senza guanti
a matina írinni a pigliari u beddru cafè
‘ncuntrari genti e parlari cu cuègghié.
A mia chiddru chi mi manca veru
criditimi staiu spinnannu sur’seriu
vulissi vídiri e abbrazzari i me niputi
puru i me figli e d’ínghili di bàsati.
Poi mi manca iri anticchia o circulu
assittatu a tavulinu nta un’angulu
pi farinni na briscula o un trissetti
poi íri o bar a mangiari i panserotti.
Mi manca íri affacciari ‘n campagna
fari na firriata pi sparagi ‘n muntagna
pi vìdiri l’arvuli d’olivi comu sunnu
cu st’occasioni taliu i favi si ‘nni fannu.
Comunchi sta quarantena ‘àva passari
speriamo prestu putirinni allibirtari
u Signuri e la Madonna nni dunanu curaggiu
prigamu c’a finisci, speriamu entru maggiu.
Pietro Pinzarrone
