PI TIA
Pi tia, sugnu prontu a tuttu,
cu tia, vogliu stari sempri ‘ncuttu,
quasi mezzu seculu e passatu,
di tia, sugnu sempri ‘nammuratu.
Pi tia, sugnu sempri c’u disìu,
si passa un jornu e nun ti vìu,
fazzu tutti cosi c’u primura,
pi essiri cu tia, prima chi scura .
Pi tia, lassavu ‘ntridici l’amici,
pi stari vicinu a li to labbra duci,
vogliu èssiri, sempri a lu to latu,
finu a quannu, u tempu me nun è scadutu.
Pi tia, fazzu tuttu cu amuri,
tutti cosi fatti di veru cori,
quannu mi curcu cercu a to manu,
vicinu vicinu, pi sèntiri ‘u to rispiru.
Pietro Pinzarrone
