‘U ME’ PAISI

Quannu caminu

pi strati di lu mè paisi

e vidu sti strati

ca si stannu vistennu

cu la virdizza e li culura

di l’aranciu amaru

mi pari di stari

‘nta na granni citati.

Menzu sèculu l‟haiu aspittatu

stu spittaculu tantu sunnatu!

Eru picciridda quannu iu dicia:

Picchì a Baharia

i strati nun hannu l‟arvuli?

Iu sunnava strati arvulati

e sidili ‘nta li marciapedi

pi fari ripusari

i vicchiareddi stanchi.

A piazzetta

di li scola Bagnera

d’unni iu nascii,

a sunnava già comu

ora si vidi

e cu silenziu ca c’era

‘nto quarteri,

a genti avissinu avutu

‘nta la gioventù a cumudità

di leggiri qualchi libru,

i matri lavurari a puntina

stannu assittati

nta lu sidili gudennusi

 a friscura di l’arvuliddi

mentri nuatri picciriddi

jucavamu ammucciareddu.

Ma ci vulevanu cinquant’anni

pi dari friscura e culuri

a sti assulati stratuna

di lu mè paisi?

PAOLA GALIOTO GRISANTI