LU VERU TIATRU
Lu sipariu sta sempri apertu
e lu palcu è ‘a nostra vita,
ognunu recita la so parti
nta la cummedia di stu munnu!
C’è cu’ fa bedda figura
e a tanti battinu li mani,
ma sempri cancianu l’atturi
e cancianu li tempi e li custumi!
Tempu di stu tempu binidittu!
Nun sempri l’omu po aviri tuttu,
un ghiornu po’ disidirari ‘u pani
puru si ora ‘un nni voli mancu ‘u cani!
Nta sta platèa mi ritrovu puru iò
pirchì sta vita ‘un sacciu ricitari,
mi cunveni megghiu taliàri
e a l’atturi battiri li mani!
Antonina Balistreri
