BUTTUNEDDU DI ROSA
Buttuneddu di ciuri
chiusu dintra la to casa,
abbuttunato senza pinzeri,
un aspetti d `addivintari na rosa.
Quannu veni lu ionnu di sbucciari,
ti stinnicchi li petali baggiani.
A unu a unu, senza primura.
fa viriri a tutti la to natura.
Araciu araciu fa viriri
la to biddizza; quantu l`aspittasti
chiuso ni la to casuzza!
E ora chi si na rosa spampinata,
ti piaci da tutti essiri taliata.
Di luntanu lu to ciauru
si senti e arricria
lu nasu e la menti.
Ma lu tempu amico toi
fino a ora passannu
ti cancia rintra e fora.
A picca a picca lu tempo
t’ ammuscisci e tu
ti viri sicca e nun capisci.
Lu tempu passannu
pi la strata nun talia,
acchiappa cu la manu puru a tia.
E’ na rota chi gira
e tocca a tutti, li ricchi,
li scassi, beddi e brutti.
NADIA LIVIO
