Niente politica solo ironia nella poesia di Antonio Barracato
L’ ELEZIONI NAZIONALI
Chi turnata elettorali
ca ni spetta pi ‘nazionali.
Berlusconi scinniù in campu
ma ca Meloni nun c’è scampu.
C’è Salvini ben piazzatu
chi migranti ormai è fissatu.
Si schierò na bella armata
du centru destra arripizzata.
Ma c’è Renzi ca nu s’arrenni
voli fari u prepotenti,
nun capisci ca è odiatu
di lu populu ‘ncazzatu.
I grillini su cunvinti
ca i nemici sunnu vinti
e su pronti a governari
senza scopu d’arrubbari.
Poi c’è Grassu dissidenti
ca ci piaci a tanta genti.
Ancilinu ormai è finutu,
e ci tocca stari mutu.
Vogghiu fari na riflessioni
viru assai cunfusioni,
semu propriu arrivati
senza sordi cunsumati.
Sta nazioni è vista mali
n’arristò di piniari.
Li problemi sunnu tanti
e li chiacchiri abbunnanti.
Pi truvari assai voti
c’è bisognu di patrioti.
Ma unn’è la genti onesta
c’è cu mancia e cu fa festa.
Si l’Italia avemu a salvari
l’onestà avò trionfari.
Ci vorrannu assai dinari
ma st’ Europa è di canciari.
