L’AMURI SBAGGHIATU
Beddi sù li anni di la giovintù
e la bedda fimmina câ virtu,
quannu passa di la chiazza
tutti si furrianu
pi taliarici la stazza.
Nenti sapi di l’omu ca la talia
ci pari n’ancilu menzu a la via.
Quannu poi ti voli parrari
cu na vasata ti fa ncantari.
E allura tuttu diventa na puisia
ma prestu capisci
ca unnè pi tia.
L’omu ca ti pigghiasti
è senza amuri
pruvasti subitu tantu duluri.
Oggi e dumani iri avanti
accussì
pintuta fusti di dirici si.
Fù n’amuri assai sbagghiatu
dici a lu munnu:
fussi megghiu lassatu!
Pinzannu a dd’ancilu
‘n menzu a la via
ora dici: nun era l’amuri pi mia.
