Il carnevale ci fa pensare alle maschere e questa associazione di pensiero un po’ ci induce a ricordare anche quelle maschere di cui parlava il celebre Pirandello. In effetti, è vero che ce ne sono tante e ogni giorno vengono indossate dagli innumerevoli volti della gente. Nei tempi recenti, molto spesso la società priva dall’indossare valori fondamentali come ad esempio il rispetto. Questa è infatti una maschera che oggi qualcuno è poco consenziente a scegliere. Questi versi vogliono pertanto racchiudere questo concetto.
Mascara di rispiettu
‘Nna vita purtamu tanti mascari veri
da mittiri ‘nta facci
chi assai s’adattanu a li circostanzi,
all’umori, a la jurnata ma picca a li chistiani.
Ognuno cancia a so facci
comi li robbi ca’ s’ insaja a matina
scigghiennu chidda ca’ miegghiu appatta
e chi megghiu s’ adatta
a lu quotidianu jornu
ca s’a gghiri ad affrontari
spissu pisanti,
comi un macignu d’ ammuttari.
Ci sunnu Infatti i mascari di la cuntintizza
ca tutti si vonnu mittiri a pruvari e
chiddi di la tristizza ca’ inveci tutti
vonnu scanzari.
Ognunu però, na mascara
sempri è costrettu a scegghiri ed a purtari
senza di chissà nun si pò caminari.
Cinn’ è una assai tradizionali
ca mai ha mancatu
ma ora l’hannu tanti Misa finu latu.
Viju ca’ si scegghi picca,
unn’a cerca né a genti povira
né chidda ricca,
Si mitta cu na codda speciali,
chidda di la cuscienza
ca pi tutti unn’è uguali.
Tanti avutri prima,
l’ hannu purtatata cu onuri ed orgogliu
pigghiannula ci decisioni senza mai stancarisi,
senza lu pinseru pui d’ abbintarisi.
Ora pari inveci ca sta stritta
no funnu du casciuni,
dall’atri cosi veni ammucciata
e mancu si talia d’ammucciuni.
È la mascara di lu rispiettu e di valuri
ca’ un tempu eranu tinuti cu tantu amuri.
Quanti hannu statu infatti, recentementi
i genitori c’hannu insignatu realmenti
a li loru figghi u rispiettu comi si teni?
O si ci comporta comi veni?
Mi dumannu si corchi ancora si senti o daveru
unn’a ristatu cchiù nenti.
Eppuri, chissa du rispiettu
è na mascara bedda e sacra
unn’è ma cosa agra.
Tutti u duvissiru a sapìri e
nuddu a duvissi cchiù a sfuggiri.
I tempi però un sunnu cchiù comi chiddi di na vota,
è un datu i fattu ca u munnu rota
pirchì canciaru un sulu i modi ì fari
ma sunnu puri i ranni c’hannu canciatu u modu di pinsari.
Assai cosi ora siddianu a tutti e
li cosi si continuanu a fari
sulu p’un pirmittiri a l’avutri di sparrari,
sinnò c’è anchi lu turnacuntu pirsonali…
è accussì c’agisci a genti di testa eccezionali:
gira tutti i cosi pu propriu viersu
facennu divintari lu munnu
sempri cchiù pièrsu.
A virità è propriu chissa.
Bruttu è di diri ma troppi cosi unn’hannu importanza,
savi a riflettiri di cu avi a mancanza.
Pi stu mutivu sta mascara nuddu cchiù la pigghia,
né di dintra, né fora di la famigghia.
Nuddu cchiù a talia,
nuddu cchiù savò mancu insajari
lui fannu sulu certuni e sunnu sempri chiù rari.
Si duvissi a capiri ca è chissa
a mascara cchiù bedda
pirchì è fatta di sintimenti e di valura e
si duvissi a scegghiri senza pensarici ,
senza avirni paura.
Pi pigghialla e falla luccicari ‘ncapu a facci
è risaputu
ca nun ci voli sulu puntu cusutu.
Ci voli sacrificiu e sulu doppu sicci pensa a lu beneficio.
Ma di chissu nuddu mi parra
altrimenti diventa na sciarra,
tantu è evidenti
ca nuddu cchiù voli fari u penitenti
nuddu i piatusu voli fari
s’apprefirisci addivèrtirsi e zzánniari.
A nenti cchiù si cridi
pirchì addivintaru tutti passivi,frivoli, macari lagnusi,
certuni un pocu puri ottusi.
Matilde La Placa