Cu sugnu?
La notti mi dumanna cu sì?
Sugnu lu to sileziu ribelli,
un Titanu na l’incantu
di un munnu ca aspetta.
Lu ventu mi dumanna cu sì?
Comu a tia, sugnu lu locu ca nun cc’è,
fujio versu lu passatu e lu mitu pirdutu
e vivu lu prisenti cu passioni.
Lu destinu mi dumanna cu sì?
Sugnu chiddu di li desideri,
ca sutta un pirgulatu di luna argintata
leggiu, scrivu… riposu.
La vita mi dumanna cu sì?
Nenti pussedu ma in libirtà eu vivu,
nun temu né lu tempu né la morti
e sentu na lu cori lu curaggiu di Diu.
Picchì lu veru miraculu di la vita
è la vita stissa.
Ma mi vò canusciri?
Sugnu chiddu
ca arricogghi lacrimi di luna,
surrisi di suli e stizzi di fedi
e cu tremula pinna li stinnichhia
supra fogghi janchi.
Vegnu da lu silenziu
spizzatu di lu me primu vagitu.
Ritornu a lu silenziu
spizzatu di la me puisia.
Ma la risposta tocca a lu miraggiu,
quannu lu cosidderai juntu,
svapura… spirisci
na la cruda realitati di l’esistenza.
