Si iu fussi Barracatu
Si iu fussi Barracatu,
scritturi ri pristigiu
e poeta raffinatu,
doppu tutti i premi
c’avissi vinciutu
capaci ca a testa
m’avissi muntatu
e doppu tutta st’onorificenza
a corcunu
ci avissi livatu puru a cunfirenza.
Si iu fussi Barracatu,
omu onesto e onuratu,
doppu tutti sti ricunuscimenti,
mi n’avissi futtutu
ra maldicenza e di certa genti
e sicuru ca mancu i peri ‘nterra
avissi pusatu
sintennumi comu Diu onniputenti.
Ma Barracatu no!
Nenti ri tuttu chissu!
Umili e a testa vascia
iddu va sulu pa so strata
e,comu si nenti fussi,
arresta sempri u stissu;
sempri gentili,dispunibili e alla manu
e si corcunu si mmiria tantu un si cura;
secuta a macinari
puisia su puisia,
scrittura su scrittura
arricugghiennu premi e tanti unura
pi ogni cugnintura.
Si iu fussi Barracatu
puru a ciricoppula m’avissi muntatu!
Ma, pi malasorti e me sbintura,
Barracatu un sugnu ri sicuru
picchi’ri iddu ci n’e’sulu unu,
pero’ra so amicizia sempri m’onoru!
Vincenzo Mangiapane
