MATRI
Matri tu pi li fighi
Ogni tò spiranza pierdievi e si li cuosi un’andavanu buoni
Tu ‘ssapevi comu rimidiari.
U tò cori era chinu d’amuri e di beni pi tutti.
Li fili di li tò capiddi eranu li vii di li norstru distinu.
Li tò ammi eranu di ferru ca un si stancavanu mai,
li tò vrazza eranu forti c’abbrazzavanu uogni cosa.
Vulissi ca du tempu si firmava accussi uora putissi taliari li tò uocchi
ca eranu cuomu du’ diamanti ammenzzu l’acquua azzurra di li mari.
E u’ parramu di li tò manu ca eranu comu du vastuna, pi nuaustri,
ci riggevi quannu stavamu pi cariri e ci cunnucievi pa curretta via.
Tu eri comu na spugna c’assorbievi ugni duluri e dispiaceri e
nun facievi capiri nienti, ma pi lu nuostru beni pativi fami e strincievi i renti.
La tò faccia era russa comu lu curaddu
ca quannu ti taliavu mi parevi lu suli supra ‘a muntagna.
Tu pi mia eri e sii la chiù bedda stidda chi ci sia.
Eri l’anciulu di la casa e di li fighi e c’inzignavi comu iri avanti.
Ci parravi du Signuri comu si tu l’avissi vistu ma ciavè parari puru di so’ matri
ca tu cia ‘ssumighiavi assai.
Matri tu t’alluntanassi da sta terra ma un t’alluntanari mai dò me cori
picchi a tò prisienza dun’amuri a vita me.
Elvira Domenica Muscarella
(diritti riservati)