Gerlanda Capraro, mi chiamano Gina, mi piace scrivere poesie in italiano e dialetto siciliano, espressioni spontanee ricche di sentimenti;
Ho ricevuto diversi premi quali targhe, coppe, menzioni d’onore e di merito, sono presente in alcune Antologie con autori vari e ho partecipato a diversi volumi dell’Enciclopedia dei Poeti contemporanei.
U culuri da paci
Pi aviri la paci intra lu cori,
un sulu culuri po’ bastari,
biancu comu lu gigghiu,
metti la paci tra patri e figghiu.
Pi aviri la paci fa u primu passu,
vidi ca l’antri ti vennu appressu…
cerca di dialogari, nun grapiri a vucca sulu pi gridari,
mettici na stizza di comprensioni,
piccaredda di tolleranza,
na junticedda di tanta… pacenzia
mprima o doppu arriva la fratellanza!
Nun ti scurdari do perdonu…
Lassa stari u passatu ca nun fu bonu.
Certi voti i palori misi nzemmula malamenti
portanu nvidia , sciarri, lamenti
intra i famigghi , tra amici e parenti.
Percio’ ascuta stu cunsigghiu,
sulu accussì nun porti scumpigghiu,
mettici sulu tanticchiedda d’amuri…
la paci… arriva, arriva, nun ti proccupari,
pirchì c’è u vuliri do Signuri.