Tutta curpa ri Angelica
Sintiti amici cari
la vera storia ri paladini
vi vogghiu cuntari.
Orlando era pazzu
di una fimmina bedda assai
un ghiornu partiu a razzu
e o so cavaddu ci rissi vai.
Mentri u cavaddu curria
un truppicuni pigghiò
arristò pi la via
e u chicchiriddu si struppiò
in aiutu ci vinni Bratamanti
ca ri Angelica era amanti
s’abbrazzaru e si vasaru
“addi tempi u covid un c’era”
Ma quannu poi vinni a sapiri
c’a Angelica si vuleva ammuccari
pigghiaru a durlindana
e cuminciaru a duellari
ru messico arrivò Zorro
ca nzemmula cu D’Artagnan
i ficiru appacificari.
Tutti quanti ficiru na tavulata
e si ni eru na Ngrasciata
mentri stavanu manciannu
a distanza di milli metri
Ciranò di Bergerac
cu sò nasu ‘ntisi u ciavuru
puru iddu s’arricampò
e camparu tutti curnuti e felici.
Chista e la vera storia cari amici
Giannuzzu.
P. S. Forsi mi cunfunnivu.